روائع بـدر بن عبد المحسن,, لكـ م

روح البداوة · 20-01-2008, 01:41 AM

السلام عليكم ورحمة الله وبركاته,,

مختارات من روائع البدر أحببت ان اهديها لكـ م

سوالف ليل ..

بجنب المنقد الغافي ..

على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنا ..
يا انتي .. لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...

.
.
.

عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..

يا طول هالرحله.. لو هي المسافه والزمن
يا قصر هالرحله .. سافرت من جرح الشجن
يا طولها .. يا قصرها

تصوري إني نسيت
بس الأكيد إني بكيت
لين الدموع تكدست .. أوراق
عن حبك رحلت
ولحبك وصلت
وهذي سوالف رحلتي

.
.
.

نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..

على مد النظر .. والشوف ..

نبي ننزع من أعماق الحشا سكين ..

نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
سامحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..

ونبي نطفي قمرنا ..

.

.
.

طريقنا واحد ..

امشيه .. معي ..
أحباب .. كانك تبين ..

أصحاب .. اللي تبين ..

يكفي متى .. ما توصلين

تتذكرين ..
إنك حزينه .. وانا حزين

كافي كلام ..

مابي .. وعد ..

أو التزام ..

طريقنا يمحي الظلام

نمشي مسافات الرجوع
ودرب الهوى كله خضوع

ارمي الجرايد والهموم

لا تجبري عيونك تنوم

لا واسمعي همس النجوم

وهم الوداع .. وكثر الحنين

وكافي كلام .. مابي وعد

أو .. التزام

.

.
.

لليل احبك مابقى في السما نور
والى ضواني الليل .. للصبح أحبك

واللحظة اللي كلها عند وغرور

أشوف قبري بين عينك .. وقلبك

في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور

والى جفاني العمر .. وشلون أحبك

.

.
.

عطني المحبة ..
كل المحبة .. عطني الحياه..
عطني وجودي ..
ابغى وجودي .. أعرف مداه
املا شعوري .. بالحب مره
ابغى هواكم.. حلوه ومره
وأغلى الأماني .. عاشت في غربه
ياعمر ثاني .. عطني المحبه
عطني في ليل الياس شمعه ..
وبسمة نهار..
عطني في ضياع العمر دمعه..
وسكة ودار ..
واعطيك أمل في الحب غالي ..
يصعب على غدر الليالي ..
وأغلى الأماني .. عاشت في غربه
ياعمر ثاني .. عطني المحبه
.
.
.
.

أميرة الورد · 20-01-2008, 02:29 PM

[ ..

لليل احبك مابقى في السما نور
والى ضواني الليل .. للصبح أحبك

/

صـح السـااآنـهـ .. زدتـي المواج ــع يالبداآوهـ ..

تسلمين ع ـزيزتــي ..

دمتي مبدع ـهـ

أمـورهـ ..

.. ]

روح البداوة · 20-01-2008, 11:05 PM

الله يسلمج أميرة الورد

اسعدني حضورج

نصراوي777 · 22-01-2008, 02:07 AM

اختيار موفق كالعاده ..

اروع من كتب في القلم الادبي

عاشـ Juve ـقة · 22-01-2008, 05:08 AM

عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..

رائع البدر ..

تسلمين يالغلا

روح البداوة · 22-01-2008, 12:32 PM

نصراوي777

من ذوقك كل الشكرر لتواجدك

عاشـ Juve ـقة

الله يسلمج,, وكل الشكر لمرورج الكريم

درب الجروح · 31-01-2008, 07:33 PM

اختيار موفق كالعاده

الف شكررر على الكلمات الرائعة

جامي بدون سمن · 01-02-2008, 12:31 AM

:mf_laughbounce2 ::mf_laughbounce 2::mf_laughbounc e2::mf_laughboun ce2::mf_laughbou nce2: