شو أسباب العنوسة في الإمارات ؟؟؟؟؟؟

جامي بدون سمن · 29-01-2008, 08:15 PM

يمكن المهور المرتفعة ؟
ولا صنايدق الزواج ؟
أو رغبة البنت في انها تكمل دراستها ؟

شاركوني الرأي

مع تحيات الزعيم العيناوي · 29-01-2008, 10:02 PM

بس اجوف السبب الاكبر اهوه الحين الكل ايعرس من الجنسيات الاخره لانه ارخص ايجوفون

شي اسباب وايد انشاءالله يفيدونك الربع

موضوع غاوي والله يوفقك

الملك19 · 30-01-2008, 08:27 AM

فلسفة اهل العروس

الملك R9 · 30-01-2008, 12:36 PM

غلاء المهور .. الطلبات الكثيرة لـ اهل البنت .. غياب الوعي والثقافة الزوجية لدى الشباب والبنات ..
عدد البنات في الدولة اكثر من الشباب .. ارتفاع الاسعار في الدولة ..

هذا اللي عندي حاليا .. بس هو موضوع كبير وشائك ..

شكرا عزيزي على الموضوع ..

المرسى · 30-01-2008, 03:51 PM

هلا اخووي

أولا اشكرك على طرحك المفييييد

بخصووص موضوعك تراه الحدييث فييه يطووول والاسباااب كثييره تختلف من مكان للثاااني

في اماااكن عندهم حفلات تسبق العرس مثل الملجه والخطووبه وليلة الحنا اعتقد مالها داااعي كلها كفااايه العرس خصوصا اذا الانسان على قد حاله هذي مجرد شكليات جدام الناس مثل ما يقولون مزااامط في الحفلات

بعدين بخصووص المهر يعني ماعتقد بيرفعها فووق ولا بينزلها تحت بس يعطيها شي معقول تقدر تزهب عمرها على حسب وضع الاسعار في الدوله بس ماطري الفسق اللي صاااير يعني تقدر تتزهب على حسب المعقووول

بعدين الشباب اللحينه طايحين في الزواج من خارج الدووله يا زعم انه المهوور مرتفعه مقاابل اني اشووف وايد بنات اهاليهن ما يطلبون مهوور عاااليه بس الساالفه الظااهر مووضه وعاايبتهم وانا شفت تقرير لمواطنين ماخذين وافدات يقولون مانبا نقول ندمانيين لكن المواااطنه غيير ولو اقدر جان خذت مواطنه

انا هنا ماداافع عن المواطنات بالعكس في اللي مهوورهن عااليه وفي اللي مقبووله بس الوااحد يتخير ويصلي استخااره وربه بيكتبله الخييره وين ما تكوون

والتفتح اللي صااير في البلاد والنغماس الشباب في ملذااات الدنيا وصدهم عن الزواج هذا عاامل بعد له تأثييير كبيييير

هذا اللي عندي حاليا واتمنى الاعضااء يتفاعلوون ويا هالموضوع لأنه مشكله من المشاكل اللي تواجهنا في الدوووله

لي عووده اذا تذكرت شي

مشكووور اخووي على طرحك المميز

جامي بدون سمن · 01-02-2008, 12:13 AM

انا ما كتبت هذا الموضوع
اكيد حد دخل نكي و كتبه منو ها ؟؟؟؟؟؟؟؟؟؟

The GodFather · 07-02-2008, 05:54 PM

هلا سوى انته كتبته او لا الموضوع مفيد جدا .

بصراحه من اهم المواضيع الاحساسه حاليا في المجتمع الاماراتي .

انا راح اتكلم بشكل نقا ط :

غلا المهور ...وطبعا هذا يختلف ما بين امارة واخرى ...

اهل العروس ( العمه ) والطلبات التعسفية نبا ونبا ونبا

العروس نفسها ...ليش ربيعتي سوولها جي انا ابا جي بعد .

الشكليات من وجهة نظري الي تسبق يوم العرس من حفلة خطوبة حفلة ملجه ...وحد عنده يوم حنا
وخرابيط ...مالها داعي .

الحينه دور الشباب :

خصوصا الجيل الحالي ..اهم شي عنده السيارة من اول راتب يستلمه ..هو مثلا راتبه 15 او 10 اذا كان بالثانوية يروح يحط على ظهرة سلفية تصك الى 300 و250 الف ...هذا متى بيخلص منها وبذلك يهمل موضوع الزواج .

الموضوع بصراحة جدا معقد ...انا ما ابا اتكلم فيه اكثر لاني لو اتكلمت ما بخلص

ما اقول غير انشالله ما تعدي سنة 2008 الا ونحنا في القفص الذهبي