\\ سـافرت للبيـرق \\ جزلة للجزل : ثنيان بن سرور الرشـيدي

السلام عليكم ورحمة الله وبركاته



سافرت للبيرق حزيـن ولانسيـت الا الدمـوع
الحزن مايجبر عزى والكسـر مايجبـر كسـر
حزني فراق أقارب راحوا مراح بـلا رجـوع
اسكنتهـم عهـد الثـرى واحبهـم قبـر قـبـر
لهـم ممـات باللحـد ولهـم حيـاة بالضلـوع
اعيشهـا متجـدده طـال العمـر ولا قـصـر
مؤمن بمايكتب لـي الله واطلـب الله بالخشـوع
يغفر لهم رب البشـر وايمانـي بـرب البشـر
وآقف وكني من بعدهـم لاجريـح ولا جـزوع
أقابل الدنيا بضحكـة سـن وضلوعـي جمـر
وابـادل الدنيـا عطاهـا مـن ثراهـا للفـروع
استقبل القسمه رضا واستثمـر طعونـي عبـر
واضحك مثل غيري واشب لبسمة الفرحه شموع
لو فرحتي غفوة عيون الذيـب وسنينـي سهـر
واذا طلبت سلمى ركوعي مالقت منـي ركـوع
مانيب راكع والركـوع اللـي ماهـو لله كفـر
واذا سقتني من عيـون الـود فنجـال القطـوع
اسقيتها فنجال صبر وقلـت يربـح مـن صبـر
وان قابلتنـي بالتحـدي فـز قلبـي للجـمـوع
فـزة نـداوي(ن) تعلـم لاسبـوق ولا وكــر
واسرجت لي مهره اصيله ودحمت بين الدروع
والذل بطن بلا ظهر والعز لـه بطـن وظهـر
اما عشاي من النحر ولا عساي امـوت اجـوع
والجوع اخير من العشا اللي ماتربـى بالنحـر
آخذ مـن الدنيـا مـدارس للعقـول وللطبـوع
واخذ من الراحه زهر واقصر عمر عمر الزهر
لولا التعب مايضحك الفلاح لظـلال الـزروع
اخذ الخبر ياصاحبي من صاحبـن عنـده خبـر
والصبح دورني وتلقانـي علـى سلـم طلـوع
ارقى على متن الهرم واخايـل الحـادر حـدر
جيت اتلهى بشربـة الفنجـال ماهـو للقـدوع
لعيون حلـم ابـوي وعيـون الثريـا والقمـر
واقول ياصدر الهموم اللي هواجيسـك تـروع
لاتفكر انك منهـزم قـم فكـر انـك منتصـر
لابد حل المشكله من داخلـك وانـت مخـدوع
متكابـر همـك وهـمـك لاتكابـرتـه كـبـر
حاول بنوع وخل نوع ونوع نوب يجيـب نـوع
تقلب حجر ويولع الكشاف مـن نفـس الحجـر
تراك رابح منت خاسر لو عطاك الوقت كـوع
اللي خسرتـه بالحيـاة تواجهـه يـوم الحشـر
والله كفل رزق الحرار ولا نقص رزق التبـوع
ولو عذب الانسان مافـرغ علـى قلبـه صبـر


للشاعر \ ثنيان سرور صالح الرشيدي

حزني فراق أقارب راحوا مراح بـلا رجـوع
اسكنتهـم عهـد الثـرى واحبهـم قبـر قـبـر

لهـم ممـات باللحـد ولهـم حيـاة بالضلـوع
اعيشهـا متجـدده طـال العمـر ولا قـصـر

قصيدة حزينة وجزلة بنفس الوقت

صح لسان الشاعر

والله يرحم موتا المسلمين

روح البداوة


نورتي الموضوع بطلتج ...

شكرا لك ِ

[ ..




يع ـطيك الع ـاافيــهـ ع الطرح الع ـذب ..

شاع ـر سكب ح ـزنهـ بين أبيـااآتهـ ..

أقابل الدنيا بضحكـة سـن وضلوعـي جمـر
وابـادل الدنيـا عطاهـا مـن ثراهـا للفـروع

/

صـح السـااآنهـ ولاهـــااآن ..

ولاهنــت ياخويهـ ع طرح ـك ..



تسلم



أمـورهـ ..




.. ]

صح بدانك ولا هنتي ..


اشكرك اموره على الطله الراقيه

شكراً أخي الكريم ..

قصيدة جميلة .. واختيار موفق ..

مرحبـا

قصيـده اكثـر من مُميـزه من كاتبهـا, كـ عـاده يختفـي ومن ثُـم يخـر لنـا بـ ابـداع مُتميـز,
كـ البركـان الذي يهدأ ومن ثُـم ينفجـر, من ابداعـاتـه, اشكـرك لـ النقل مُبدعنـا..