السلام عليكم ورحمة الله وبركاته,,,
اهدائي الاخير لك ان مررت من هنا....
كلمات الشاعر بركات الشمري
وين غايب ..!؟
وين تاركني مع هالشوق ذايب !؟
وإلا عادي ..!
كل يوم يكون لك ناس وحبايب !
ماسألت ( اغيابك ) الملعون هذا ويش جايب !!؟
مابقى إلا يجيب موتي !
وجف ّ صوتي !
ومابقى إلا ينطق بـ حزني / سكوتي !!
وانت غايب ..
كان لي في قلبك السالي ... مساحة !
جب لي " راحة " !
وخذ معاك العاشق المدفون في تربة جراحة !
يامعلمني الغرام ..
أنت علمني إلا من غبت كيف أحيا بـ سلام !
وإلا تدري ..
بس لافكرت تبعد
عطني " لسان " و " كلام " !!
والا تدري ..
بس تعال ونوّم الشوق بـ ضلوعي ..!
وخلني لحظة أنام !!
يابخيل !
شف ( كثيري ) فيك مايملى أبد عين ( القليل ) !
شوف كيف أحيا عشانك ..
وإلا انا اصلا قتيل !!
وفوق هذا ..
كل هذا ..
ماتمل ّ ... ولاتميل !!
آه لو تقرا (( أحبك )) بالدموع اللي تسيل !!!
آآآآه ياطعم الحياة !
كيف يموت إنسان مات !!!؟
.
.
.